Arkisto | maaliskuu, 2012

Vintraj Tagoj en Riihimäki

19 Maa

Vintraj Tagoj en Riihimäki

Tuomas rakontas: Je la deka kaj dekunua de marto okazis Vintraj Tagoj, kiun mi partoprenis. Okazaĵon organizis Esperanto-Asocio de Finnlando. La loko, kie okazis la renkontiĝo, estis Hotelo Seurahuone en Riihimäki. Riihimäki estas malgranda urbo en suda Finnlando, kien oni povas facile vojaĝi trajne. Ni havis kunvenan ĉambron en la tria etaĝo. La Vintrajn Tagojn partoprenis ĉirkaŭ kvardek homoj el diversaj partoj de Finnlando kaj ankaŭ estis partoprenanto el Latvio kaj el Svedio.

Sabate Sylvia Hämäläinen presentis al partoprenantoj historion pri ELFI (Esperanto-ligo de Finnlandaj Instruistoj).

Ni havis ankaŭ kontakton al Nederlando per skajpo, kiam hungara Katalin Kovats presentis nin la RITEn (Reta Instruista Trejnado ĉe Edukado.net). Ankaŭ Paula Niinikorpi rakontis al ni pri ŝiaj spertoj pri RITE.

Poste ni faris filmetojn pri kvin diversaj temoj. La filmetoj estis pri amo, estraro de EAF, vojaĝo al Riihimäki, Kalevala kaj murdo en Riihimäki. La filmetojn oni povas rigardi en Youtube.

Vespere estis ankaŭ kunvenoj de estraro de EAF kaj ELFI.

Post vespermanĝo ni vizitis  la duan vivon(second life), kie Anna Löwenstein presentis al ni la duan vivon. Poste ni rigardis la filmetojn kaj ni voĉdonis, kiu estis la plej bona. La venkinto estis la filmeto pri estraro de EAF. Keke diris ke li sendos la niajn filmetojn al universala konkurso de esperantaj filmoj.

Dimanĉe okazis Jarkunveno de EAF kaj post tio ni veturis buse al muzeo Lasimuseo. Tie ni bedaŭrinde ne havis gvidiston, ĉar la gvidisto malsaniĝis, kaj ni devis memstare viziti la muzeon. Ni tagmanĝis proksime de Lasimuseo. Poste ni veturis ree al la hotelo kaj Vintraj Tagoj finiĝis.

Ĉi tie estas la filmetoj:

http://www.youtube.com/watch?v=0DRxveXqraU&context=C439ffcdADvjVQa1PpcFPEeZfx75mxy8n1ETJ12ckCQmXAtNDaI6Y%3D

http://www.youtube.com/watch?v=Azy_RUf_lvM&feature=related

http://www.youtube.com/watch?v=aYHbd-gJLaQ&feature=related

http://www.youtube.com/watch?v=Q3nr-fKqqX4&feature=related

Ĉi tie estas ankaŭ la fotoj, bedaŭrinde sabate mi forgesis mian fotilon.

Gastoj el Japanio

1 Maa

Pekka rakontas:

Sabate la 26an de februaro busfirmao “Laponiaj itineroj” haltis cxe Rovaniemi, kaj el la pordo de buso elpasxis  mia esperantoamiko Jojo. Li vojagxis kune kun Kanjo. Kanjon mi vidis unuafoje. Ankaux sxi parolis Esperanton kaj ni rapide amikigxis. Jojo vizitis Finnlandon jam proksimume dek fojojn, ni do konas unu la aliajn jam suficxe bone. Mi veturigis ilin al mia hejmo kaj preparis fisxsupon por vespermangxo.

Dimancxe ni kune vizitis la unuan en cxi tiu jaro boackurad-konkurson. Tie boacoj kuris unukilometran etapon kaj por tiu ili bezonis ne pli ol 1 minuton kaj 20 sekundojn. Post la konkurso ni revenis hejmen kaj miaj japanoj gastoj preparis japanstilan tagmangxon ”kareon”.

Lunde mi laboris, kaj miaj gastoj vizitis la Vilagxon de Julavo kaj acxetadis tie.

Marde en mia laborloko, en la liceo de Ounasvaara, oni organizis la adiauxan feston por la japana instruistino sinjorino Iso, kiu dum unu jaro laboris kiel helpinstruistino en nia liceo. Ankaux miaj japanaj amikoj partoprenis al tiu festo. Okazis granda surprizo: La vera Julavo eniris kaj esperis al ni ”Felicxan Kristnaskon” (en februaro!). Sinjorino Iso ricevis kristnaskajn donacojn. Post la festo mi veturigis miajn esperantoamikojn al la flughaveno. Komencigxis ilia vojagxo hejmen.