Arkisto | helmikuu, 2012

Vojagxo al Tromsø

29 Hel

Vojagxo al Tromsø

Tuomas rakontas: Mi ekveturis el Rovaniemi merkrede la 22an de februaro. Unue mi vojagxis buse al Tornio kaj el Haparando buse al Luleå, kie mi devis sxangxi la buson por alia la buso al Boden. Merkrede la vetero estis tre negxa. En Boden mi renkontis Johan kaj cxe li mi tranoktis. Vespere mi kaj la familio de Johan mendis picon.

Jxauxde patrino de Johan veturigis min kaj Johan al stacidomo de Boden.  Nia trajno al Narvik finfine malfruigxis pli ol du horoj. En nia vagono estis multe da vojagxantoj el Francio, kaj Johan, kiu scipovas pli ol dek lingvojn, parolis kun francoj kaj helpis ilin trovi hotelojn en Kiruna. Jxauxde la vetero estis tre bona kaj la suno brilis kaj ni povis bone foti altajn negxajn montojn en norda Svedio kaj en Norvegio. Cxar la trajno multe malfruigxis en Kiruna, vojagxantoj devis  dauxrigi la vojagxon al Narvik buse. La buso veturis tra Riksgränsen. Cxar nia trajno/buso tre malfruigxis, ni maltrankviligxis, ke eble ni ne sukcesas atingi nian buson al Tromsø. Johan devis sercxi la numeron de busa kompanio kaj rakonti ke nia trajno/buso malfruigxos kaj cxu la buso povus atendi nin. Post multaj provoj Johan sukcesis telefoni al sxoforo de Tromsø buso. Proksime de Narvik en Straumsnes ni forlasis la buson kaj atendis la Tromsø buson. Tie estis ankaux du aliaj homoj, kiuj devis veturi al Tromsø. Baldaux la buso alvenis kaj ni povis dauxrigi nian vojagxon en la gxusta tempo. En Tromsø Amelie atendis nin, kaj ni iris al la hejmo de Mario kaj Marianne, kie estis ankaux Hilde el Oslo. La familio de Mario kaj Marianne estas tute esperanta, cxar ankaux kvar gefiloj kaj unu hundo parolas Esperanton. Mi kaj Johan tranoktis tie kaj Hilde tranoktis cxe Amelie.

Vendrere matene mi kaj Johan veturis al la centro deTromsø. En centro ni renkontis hazarde du finnojn kaj povis ankaux paroli la finnan. Ni vizitis pregejon, havenon kaj butikegon. En kafejo teo kaj bulketo kostis suficxe multe,  7,5€. Je la dua horo ni renkontis aliajn geesperantistojn:  Kvar el Finnlando, du el Norvegio kaj du el Londono kaj nature Amelie kaj Hilde. Ni iris al restorancio kaj poste al Tromsø jxurnalo por intervjuo. Poste ni veturis buse al Brensholmen al la kamparo. Leif prunteprenis auxton kaj li, Amelie kaj Magnus veturis al Brensholmen auxte. En Brensholmen apud pregxejo ni havis kabanon cxe la maro. Vespere ni mangxis esktere kaj Amelie instruis nin triki.

Sabate Leif veturigis  ankoraux du esperantistojn : Jon, la plej juna partoprenanto kaj filo de Mario kaj Marianne, kaj Kristoffer. Sabate ni ankaux promenadis en Brensholmen tra vendejo kaj haveno, kio estas fermita vintre. Mi preterdormis la vespermangxon, cxar mi estis laca. En kabano ni ankaux ludis ludojn Ankoraux vespere ni iris al la sauxno, kiu estis por mi ”malsauxno” cxar tie oni ne povis jxeti akvon sur la sxtonojn. Vespere ni vidis ankaux nordajn lumojn.

Dimancxe ni iris al monteto kaj jxetadis negxajn pilkojn. Ni multe fotis, kaj ekzemple fotis nin grupe.  Dimancxe estis la vetero tre bela kaj suna. Mi, Johan kaj Jon veturis buse al Tromsø kaj aliaj auxte al flughaveno kaj ili flugis al Oslo. Ree mi kaj Johan tranoktis cxe Mario kaj Marianne.

Lunde ni havis denove longan vojagxon al Boden. Nun nia trajno nur malmulte malfruigxis. Pejzagxoj estis pli belaj el trajno ol el buso.  Nun ni havis ankaux iom da tempo en Narvik. En trajno Johan ankaux montris ke li scipovas la finnan lingvon tre bone. Vespere ni alvenis al Boden kaj mi tranoktis cxe Johan. Marde mi havis ankoraux unu tagon por vojagxi al Rovaniemi tra Luleå kaj Haparando. La vojagxo kaj renkontigxo estis tre agrablaj, sed vojagxi buse kaj trajne dum  kvar tagoj estis peze. Tuj mi sxatus vojagxi denove,  sed mi devas jam badaux vojagxi trajne al suda Finnlando.

Ankaux norvega jxurnalo skribis pri nia renkontigxo. http://www.nordlys.no/nyheter/byavisa_tromso/article5950567.ece